"Tavex enpresako 27 aurre-jubilaturi ziria sartu digute. Urte hasieratik gaude gure kaleratzeagatik jaso beharreko kalte-ordainak kobratu barik. Orain, subsidioko 426 euro besterik ez ditugu kobratzen. Diru horrekin, Gizarte Segurantzarekin jubilatu arte ordaindu beharreko hitzarmena ere ezin dugu ordaindu". Halaxe dio ELA sindikatuak argitara eman duen prentsa oharrak.
Bestalde, diote, enpresak "bere gustuko eta komenentziako aseguruak eta tartekariak" kontratatzen dituela. Eta orain, "iruzurra egin digute".
"Ze konfiantza izan dezakegu horrelako aurre-jubilazioak eskaintzen dizkigutenean? Nola funtzionatzen du sistema honek eta, batez ere, nori eskatzen dizkiogu orain kontuak?".