Ertzaintzak emandako informazioaren arabera, epaitegi aurrera heldu eta banderak falta zirela egiaztatu dutenean, jakin ahal izan dute ekintzaren egileek gaztetxerako bidea hartu dutela. Bertara joan dira ertzainak ere eta "epaitegi ataritik kendutako ikurrina esku artean zeraman gazte bat" identifikatu dute. Ertzainek eskatuta, ostutako beste bandera –Espainiakoa– atera du gero; ordurako erreta zegoen hein batean. Agenteek gaztea atxilotu eta ertzain-etxera eraman dute, ekintzetan parte hartzearen akusaziopean.
Ertzaintzak 21 urteko gizonezko bat atxilotu du goizaldeko bostetan, epaitegi aurreko banderak kentzea egotzita. Hedabideetara bidalitako prentsa oharrak jasotzen duenez, bi bandera kendu ditu –ikurrina eta Espainiakoa– eta bigarrenari su eman dio gero.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak