Hasi berri dituzten lanak LKS enpresari dagozkio eta bertako arduradun Arkaitz Aranak esan digunez, "urbanizazio lan partziala" egiten ari dira. Arduradunak adierazi digunez, lehen lan honetan, ur hodiak, ur zikinak batzekoak, gasa eta telekomunikazio sareak igoko dituzte.
Lanak amaitzeko ez dago data zehatzik, baina LKStik diote urri erdialderako amaitu nahi dituztela: "Lanak horrela jarraituz gero, urri erdirako amaituko digutu, baina bi aste atzeratzea ere ez da arraroa izango".
Urbanizazio partziala
Gauzak horrela, urbanizazio sare guztia igo arren, ez da lursail osoarentzako izango, orain egiten ari diren lanak Migel Altuna institutu berriari zerbitzua emateko soilik izango dira. Lanen arduradunek diotenez, ez da lursail osoa urbanizatuko, oraindik bertan egingo diren eraikin guztiak zehaztu gabe daude-eta. Eusko Jaurlaritzak ez du bertan egin nahi dituen lanak egiteko eperik jarri, baina LKSk ez du lursail osoa urbanizatuko.
Hala, aurrerago bertan eraikitzekoak diren eraikinak defitu ostean, errazago urbanizatuko dute ingurua. Horretarako, baina, ez dago data jakinik, insitutu berriaren proiektua bukatu gabe dago-eta.