Arriaga antzokiak berak ekoiztu du dantza antzezlan hau. Bigarrena da. Aurretik, Pobres bestias ekoiztu zuen. Edu Muruamendiaraz da zuzendari eta koreografoa. Unai Elorriagak idatzi du testua eta Aukeran dantza konpainiak antzezten du. Fernando Vazquezena da jatorrizko musika eta Bilboko Udal Musika Bandaren kontu doa musika, Juan Jose Ocon zuzendari delarik.
Edu Muriamendiarazen ideia izan da. "Unai Elorriagari komentatu nionean harritu egin zen" esan zuen atzo muntaiaren aurkezpenean. "Formatu bakarra da" esan zuen; izan ere, Arriagan bakarrik "aurkeztu ahal izateko pentsatua dago, oraingoz".
65 minutuko muntaia da; atsedenik barekoa. Zuzeneko musika du. Ikuskizunean, burdinak eta dantzak bat egin dutela adierazi zuen bergararrak. Burdinaren aro historikoak kontatzen ditu Iturriagak.
Bihar, eguena, estreinatuko da muntaia eta egubakoitzean eta zapatuan, ekainaren 10ean eta 11n, ere ikus ahal izango da.
Aukeran dantza konpainiaren hamar dantzari izango dira oholtza gainean.
Sarrerak 6,40 eta 21 euro artean jarri dituzte salgai Arriagan bertan.