Irizar jauregiko atarian etxearen historiari buruzko panelak jarriko ditu Udalak. Iazko uztailean herriko ondare historiko-artistikoa balore turistikoan jartzeko bideragarritasun plangintza onartu zuen Udalak eta haren baitan jarriko dituzte panelok Irizarren.
Eskuhartze museografiko horren helburuak dira, alde batetik, 1939. urtean Espartero eta Maroto jeneralek sinatu zuten Bergarako komenioa gogoratzea eta beste aldetik, Irizar jauregiaren alderdi historiko-artistiko garrantzitsuenak nabarmentzea.
Panelen bidez
Atariaren eskumako aldean Bergarako komenioa azalduko dute eta horretarako izkina bakoitzean erliebean figura bat jarriko, batean Espartero eta bestean Maroto, jarriko dituzte, tamaina errealean. Bi irudion artean, sinatu zen komenioaren gaineko azalpena jasotzen duen panel handi bat egongo da.
Atariaren ezkerreko aldean, berriz, ertzetako bakoitzean, bi metroko egiturak jarriko dituzte eta jauregiaren eta lorategiaren aspektu historiko-artistiko garrantzitsuenak nabarmenduko dira haietan, testu eta irudien bidez.