Zapatuan, Txirrindulari Norbanako Ordupeko Euskadiko Txapelketa dela eta, 09:00etatik 13:30ak arte zirkulazioan hainbat aldaketa egingo dira: saihesbideak zentzu bakarra edukiko du (Arrasateko noranzkoa) eta Antzuolatik datozen ibilgailuak Urteaga-San Antonio aldera sartuko dira eta handik saihesbidera sartuko dira.
Arrasatetik datozen ibilgailuak, ostera, Antzuola aldera desbideratuko dira eta Goenbolutik herri barrura sartuko dira. Saihesbidetik herri barrura sartzeko sarrera bakarrak Zubiberri eta Ondartza izango dira.
Autobusei dagokienez, geltokia Ibargarai 52-54 aurreko aparkalekuan jarriko da. Bertan egongo dira zerbitzu guztiak, Eibarrera doazen autobusak izan ezik. Horiek Ibargarai 5-7 (BBVA parean) aurrean hartu beharko dira. Ozaetako geltokia zerbitzu barik geratuko da eta Mayc-eko biribilgunean geltoki bat egokituko da, Arrasatera joateko.
Domekan, txirrindularien Euskadiko Errepideko Txapelketa egingo da eta helmuga Ibargarai kalean kokatuko da. Ondorioz, kale hori, Miguel Altunatik lurazpiko aparkaleku publikorainoko tartea, autorik gabe egon beharko da 09:00etarako.