Ekainaren 9an hasiko da jaia, hitzaldiarekin eta afariarekin. Auzoko karrera baten 75 urte izenburupean, hitzaldiak duela 75 urte San Antonio txirrindularitza lasterketaren hasiera gogora ekarriko du. Behin historiari errepasotxoa eman eta gero, auzotarrek afarian elkartzeko aukera edukiko dute. Izena emateko Gure Ametsa Elkartera edo Cristina estankora hurreratu beharko dute interesatuek.
Zapatua eta domeka
Zapatuan, ekainak 11, jaiak aurrera jarraituko du. 16:00etan 75. San Antonio Saria ospatuko da eta ondoren, 18:30ean, sariketa egingo da.
20:00etan bederatziurrena egingo zaio San Antoniori, kaperan eta ostean sardina jana egongo da. Gauean, DJ Angelen eskutik disko festa egingo da.
Domekan txistularien dianak emango dio hasiera egunari (10:00). 19:30ean auzoko kanpandorreraen inaugurazioa egingo da.
Astelehenean, jaiekin amaitzeko, San Antonio kapera berrira eramango dute auzotarrek, 11:00etan. 12:00etan kapera berria inauguratuko da eta gero luntxa eta umeentzako jolasak egongo dira. Amaitzeko, 15:00etan, auzotarren arteko bazkariarekin aurtengo jaiei amaiera emango zaie, plazuelan.