Desjabetzeak = Lapurretak. AHTrik ez! edota AHTren hipotekak itotzen gaitu zioten pankartekin, proiektu horrekiko euren desadostasuna erakutsi dute. Ospatu berri diren hauteskundeei ere egin die erreferentzia, "gehiengo zabal batek herriari erabakitzeko eskubidea ematearen alde" bozkatu duela esanez. Proiektua geldiaraztea posible dela gaineratu dute: "Kalte handiak daude eginda, baina ikaragarrikeriak falta dira egiteko, eta denboraz gaude proiektua gelditu eta gizartean benetako eztabaida zabaltzeko. Lemoiz dugu adibide garbia; egin zen arren, martxan ez ipintzea lortu zen", azaldu du Mila Elortza AHT Gelditu! Elkarlaneko kideak.
Bergara-Bergara zatiko lurrak desjabetzeko aktak sinatzera deituta zeuden bederatzietarako alkatea eta lurjabeak baina, alkatea udaletxean ez zegoela-eta, bertan behera geratu da ekitaldia. Gaur, bihar eta etzirako deituak zeudenendako bigarren deialdia noizko egingo duten ez dute zehaztu oraindik, baina oso litekeena da Bergaran beharrean Donostian izatea, Jaurlaritzaren delegazioan. Jakinaraziko zaie hori lurjabeei. Gaurko –eguaztena– hitzordua aitzakia hartuta, herritar talde batek AHTren kontrako elkarretaratzea egin du udaletxe aurreko plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak