Joan den domekan ateratako erretratua duzue ondokoa, Peña Izaga inguruan –atzean ikusten dena Higa de Monreal mendia da. Bergarako 35 lagun animatu ziren Pol-Poleko irteeran esku hartzen. Idocin herritik irten eta Peña Izaga igo ostean San Migel ermita ezagutu eta Urroz aldera egin zuten. Guztira 16 kilometrotako buelta ederra egin zuten, 6 ordutan.
Diogun moduan, hurrengoa asteburu-pasa egingo dute, Zaragoza eta Soria artean dagoen mendilerrora joateko, Moncayora. Ekaineko lehenengo asteburuan egingo dute irteera, ekainaren 4an eta 5ean.