Bazkaria eta omenaldia
Eguerdian artista guztiak bazkaria egin dute. Arratsalde partean, berriz, Nahikari tabernako Bittor Pozari omenaldia egin diote. Pozak 25 urte daramatza tabernan erakusketak egiten muxu truk. Xabier de Zerio eskultorearen arte lana jaso du oroigarri gisa. Zeriok bizirik dagen estetika bilatzen duela kontatu digu. Euskal tradizioari jarraituz, espazio hutsekin jolas egiten duela bere eskulturetan. Bingen de Pedro Beart-eko lehendakariak balorazio positiboa egin digu. Harrera beroa izan duela festak azpimarratu du.
30 artistak beren lanak ikusgai ipini dituzte eguerdian. Zirimiriak ez du Beart-en festa zapuztu. Ehun bat artelan batu dira udaletxeko arkupetan. Eta artistek erabilitako tekniken artean ere denetarik ikusi dugu: akrilikoz, olioz, tintaz, arkatzez edo akuarelaz egindako lanak, besteak beste. Paisaiak nagusi izan arren, erretratuak, margo abstraktuak eta egurrezko zein metalezko eskulturak ere ikusgai egon dira eguerdira arte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak