David Urbinaren mutilak lehen unetik izan ziren nagusi kantxan. Horrela, 0 eta 8ko partzialarekin hasi ziren irabazten. Eskuratutako abantailari eutsi, eta aldeak nabarmentzea ere lortu zuten: atsedenaldirako 23 puntuko nagusitasuna erdietsi zuten (22-45).
Arerio erraza izan zuen aurrean Bergarak. Eibar dagoeneko beheko mailara jaitsita zegoen eta ez zuen joko onik egin, ahul aritu zen. Gainera, defentsa gogorrari aurre egin behar izan zion, Urbinaren mutilek ondo babesten dute euren zona.