Udaletxeko arkupetan hasi zuten bueltatxoa eta bertan Jesus Elortza zerrendaburuak azaldu zuen herritarren parte-hartzea izango dela Bilduren lehentasuna, bergararrekin egindako herria landu eta garatu nahi dutela. Zentzu horretan, oraingo Udal Gobernuak egindako lana azpimarratu zuen. Gaineratu zuen onartu berri den Plan Estrategikoa izango dela beraien iparrorratza.
Errege Seminarioaren arkupetan ere gelditu ziren eta bertan adierazi zuten Errege Seminarioaren eta Arrizuriaga Jauregiaren arteko permuta lortzeko gogor lan egingo dutela.
Mizpirualden ere egin zuten geldialdia, zaharren egoitza leku egokiago batera eraman nahi dutela azaltzeko.