Miguel Altuna Institutuak lan arriskuen prebentziorako jardunaldiak antolatu ditu hilaren 18rako. Jardunaldiak 12:00etan hasiko dira, institutuko GLBHIko Areto Nagusian (Ibargarai 1). Jardunaldien helburua prebentzioaren inguruko kultura bultzatzea da eta horretarako, enpresa eta zentroaren artean elkarkidetza eta eztabaida foro bat sortuko da.
12:00etan Iñaki Larrañaga Miguel Altuna GLBHIko zuzendariak jardunaldien aurkezpena egingo du eta 12:15ean Lankidetza Hitzarmenari buruz hitz egingo du Jesus Mari Pintorrek, Nafarroako Unibertsitate Publikoko Irakaskuntzetako Errektoreordea. 12:30ean Asier Agirregomezkorta ULMAko Mantenu Zerbitzuko Produktu zuzendariak hartuko du hitza eta azkenik, jardunaldiarekin amaitzeko Maria Jose Madariaga Lanbide Heziketa eta Etengabeko Ikaskuntzako zuzendariaren txanda izango da.