ELA sindikatuak 100 urte betetzen dituela ospatzeko sindikatuko ordezkariek urte guzti horietan bildutako argazki, domina, kartel eta bestelako materialekin erakusketa bat antolatu dute, maiatzaren 11n eta 12an, eguaztenean eta eguenean. Erakusketa sindikatuak Bergaran bertan duen egoitzan egongo da ikusgai.
1911ko ekainaren 11n sortu zen Solidaridad de Obreros Vascos sindikatua, gerora ELA izango zena. Lehengo krisi garaietatik abiatuta, 1912. urtean 1000 afiliatu zituen sindikatuak.Errepublika eta diktadura garaiak pasata, eskualdean "garrantzia handia" eduki duen sindikatua dela diote ELAko kideek. Horrela, gaur egun eskualdean 6.000 afiliatutik gora eta ia 400 ordezkari ditu ELAk berton. Eta horretaz gain, bost egoitza ditu: Eibarren, Elgoibarren, Oñatin, Bergaran eta Arrasaten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.