Etorkizunean zabalduko duten mendi ibilbidea Irukurutzeta, Elosumendi, Loidi eta Pagola eremuetatik pasatzen da. Bergarako interes ekologiko handiena duen eremua da. Udalaren helburua da gune honetan biodibertsitatea mantentzea, ibilbidea leheneratzea eta hori ezagutzera ematea.
1890eko ubidea
Bergarako Udalak 1890. urtean martxan jarri zuen Pol-Poleko urak herrira eramateko proiektua. Herritarrentzat ur edangarria eskuratzea eta argi indarra lotzea zen proiektuaren helburua. Ubide horrek 7 kilometroko luzera zuen eta 1902. urtean inauguratu zuten.