Gazte, elite eta 23 urtetik azpiko mailetako txirrindulariak izango dira lehian. Dagoeneko Lokatzakoek prestatu dute ibilbidea, 8,9 kilometrokoa. Gazte mailakoek bi bira eman beharko dizkiote zirkuituari eta elite eta 23 urtetik azpikoek, hiru. Bizkaia, Araba, Nafarroa eta Gipuzkoako espezialistarik onenak izango dira irteeran. Hain zuzen ere probintzia mailako lau txirrindulari onenek hartuko dute parte. Elite mailan, 12 txirrindulari lehiatuko dira, hiru probintzia bakoitzeko.
Pentekoste saria, Euskadiko txapelketa
Pentekoste saria Pazkoen aurreko asteburura aurreratu dute baita. Horrela, ekainaren 5ean, goizez jokatuko da eta are eta interes gehiago emateko Euskadiko txapelketa erabakiko da. 140 kilometroko ibilbidea izango dute amateur mailako tropeleko txirrindulariek.
Pazkoetan, San Antonio saria
Pazkoetan ere ez du txirrindularitzak huts egingo. Hain zuzen ere, ekainaren 11n San Antonioko ohiko proba jokatuko da eta kadete mailako Euskadiko txapelketa erabakiko da egun horretan Bergaran.
Lokatzako kideak, esan bezala, hasi dira prestaketa lanetan eta jende askoren laguntza beharrezkoa izango dela aurreratu dute. Interesatuek Lokatzako kideengana jo dezakete, edo bestela 619 73 95 07 (Mikel Larrañaga) zenbakira deitu.