Mugikortasun arazoak dituztenendako igogailua jarriko dute datozen asteotan Udal Pilotalekuan. Udaleko brigadak prestatu du dagoeneko igogailuarendako egitura eta igogailua jartzea baino ez da falta. Ibargarai aldetik izango da sarrera. Igogailuaren jartzea Orona enpresari adjudikatu zion Udalak, 21.353 euroko aurrekontuarekin.
Udaleko brigada joan den abuztuan hasi zen Udal Pilotalekuan lanean. Aipatutako egituraz egiteaz gain, arrapala egin dute igogailuan ondoan, harmailen goialdetik kantxaraino datorrena.
Errolda ikusgai
Maiatzaren 22ko hauteskundeetan ez ezik, bestelako ikuskizunetan ere erabili ahal izango da igogailua aurrerantzean. Hauteskundeekin lotuta, errolda apirilaren 4tik 11ra bitartean izango da ikusgai udaletxean, 7:30etik 13:30era. Esan bezala, Seminarioan 5.774 lagunek izango dute botoa emateko aukera; Matxiategin 2.627 herritarrek; Osintxun 432; Martokon 1.934; eta Ibarran 882 lagun dira botoa eskubidearekin.