Odol emaile fidelei eustearekin batera, horixe da Bergarako Odol Emaileen erronka: gazte gehiago hurbiltzea elkartera. Elkartetik emandako datuen arabera, iaz, batez beste, 52 emate egin ziren odol ateratze bakoitzean. Datuok oinarri hartuta, Gipuzkoako herri nagusietako bat da Bergara odol emate kopuruari erreparatuta.
Odolaren kasuan inoiz da nahikoa, beharra handia dagoelako eta iazko datuak hobetzeko itxaropena azaldu dute elkarteko arduradunek. Aste Santua hurbiltzen dela eta, odol emaile guztiei gogorarazten diete data hauetan guztien laguntza beharrekoa dela. Gizonezkoen kasuan, lau odol emate egin ditzakete urtean, emakumezkoak baino odol emate bat gehiago hain zuzen ere. Bergarako Odol Emaileek hamabostean behin egiten dituzte odol ateraldiak. Hurrengoak, apirilaren 13an eta 27an izango dira.