Azken hilabeteak Martokon eman dituzte HHIko langile eta ikasleek. Irizarrera bueltan, bost gela izango dituzte ikasleei zuzenduta eta, horrez gain, beste gela bat azken solairuan, informatika irakasteko. Gaur egun 300 ikasle inguru ari dira Bergara HHI zentroan. Besteak beste, lehenbiziko mailan alfabetatzea eta gaztelania eskolak etorkinendako eskaintzen dituzte; bigarren mailan, kultura orokorra (geografia, historia eta beste); DBHko titulazioa eta unibertsitaterako sarrera ere bai; eta, horrez gain, esan bezala informatika, ingelesa eta frantsesa ikasteko aukera dago.
17 irakaslek eta orientatzaile batek dihardute Bergarako zentroan. Osintxu auzoan, berriz, dozena bat lagun ari dira aurtengo ikasturtean, hango liburutgian. Matrikulazioa etengabekoa da eta informazioa 943 76 44 52 jaso dezakezue.