Apirilaren 5ean itzuliko da KZgunea Irizar jauregira Ane Untzurruntzaga bertako arduradunaren esanetan. Eraikina berritu aurretik jauregiaren bigarren solairuan zegoen, baina aurreantzean, hirugarren solairuko gela baten egongo da. Hain justu ere, eraikina berritu eta sare kontuak egokitu eta gero itzuliko da KZgunea jauregira, Helduen Heziketa Iraunkorrarekin eta Udal Euskaltegiarekin batera.
Iirzar zaharberritzeko lanek iraun duten denboran, kultura etxeko erakusketa aretoan egon da KZgunea. Bada, apirilaren 4an, itxita egingo dute leku-aldatzea egiteko eta hurrengo egunetik, apirialren 5etik aurrera, Irizarren emango du zerbitzua.
Umeen liburutegia
KZgunea Irizarrera joanda, libre geratuko da kultura etxeko erakusketa aretoa eta hari beste erabilera bat emango dio Udalak. Hain zuzen ere, umeen liburutegia han jarriko dute. Gaur egun kultura etxeko lehen solairuan dago eta handik kendu eta erakusketa aretoan egokituko dute eta zeregin horretan lehenbailehen hasiko dira.Bda, lehen solairuan libre lagako duen areota Liburutegi Nagusiak hartuko du.