Rosa Narbaiza irakaslea erakusketa antolatzeko lanetan ibili da eta honakoa azaldu digu: "Argazkiak biltzea baino aukeraketa egitea izan da zailena. Material asko genuen eta asko kosta zaigu batzuk kanpoan uztea; Aroztegik mugatu gaitu. Herriarendako ekarpen polita izan dela esango nuke, jendeak asko eskertu du."
200 argazki inguru jarri dituzte, 1971tik gaur egunera artekoak. Eta argazkiez gain, ikus-entzunezko bat ere dago ikusgai, askotariko irudiekin. Besteak beste, duela 30 bat urteko karnabalek ikus daitezke. Apirilaren 3ra arte egongo da zabalik; ordutegia, honakoa: martitzenetik egubakoitzera 18:00etatik 20:00etara, zapatuetan 12:00etatik 14:00etara eta 18:00etatik 20:00etara; eta domeketan 12:00etatik 14:00etara.