200 argazki erakutsiko dira, ikastolarekin zerikusia dutenak: gaurko ikasle eta irakasleenak, ikasle eta irakasle izandakoenak.
Ikastolaren historian esanguratsuak izan diren uneek toki berezia izango dute: Bergaran egin diren Kilometroak jaiko bi edizioak, 1991koa eta 2007koa; ikastolaren 25. urteurrena; jai bereziak; Aratusteak; txangoak; ikasturte amaierako ekitaldiak… Osterantzean, hamarkada antolatuko dute erakusketa.
Hainbat formatu
Paperezko panelez gain, formatu digitalean ere erakutsiko dira argazki batzuk eta baita Super 8 formatuko zineman edota bideoan.
Ordutegia izango da: martitzenetik egubakoitzera 18:00etatik 20:30era; zapatuetan 12:00etatik 14:00etara eta 18:00etatik 20:30era; eta domeketan, 12:00etatik 14:00etara.