Partidu oso bizkorra, atake askokoa eta defentsa gutxikoa izan zen zapatuan Usurbilen jokatu zutena: burugabekoa. Partiduko abiadura igotzen denean, arriskuak ere gehiago izaten dira, baina Josetxo Muniategi entrenatzailearen hitzetan "ez ziren ia golperik ezta agresibitate handiegiko zantzurik egon".
Epaileak hamasei kanporatze egin zituen, zortzi talde bakoitzari. Lehenengo zatia 16ko berdinketarekin amaitu zuten. Partidua amaitzeko bi minutu falta zirenean, baina, bi puntugatik galtzen zihoazen bergararrak eta bi minutu horietan hiru gol sartu zituzten; azkena, Mikel Plazaolak sartu zuen penaltiz hamabost segundo falta zirela; pozik itzuli ziren emaitzarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.