Aitziber Plazaola bergararrak eta, harekin batera, Beñat Lizeaga, Bergoi Madernaz, Endika Perez, Jazint Ramirez, Xalbador Ramirez eta Aiala Zaldibar gazte independentista presoek, gose grebari ekin diote, Amnistiaren Aldeko Mugimenduak jakinarazi duenez. Seysseseko espetxean dauzkate eta herenegun hasi ziren barauan.
Martxoaren 23ra arte egongo dira protesta hori egiten. Bi helburu dituzte, Amnistiaren Aldeko Mugimenduak dioenez: batetik, "Euroaginduen aurka" egite; bestetik, Irati Tobar kideari "elkartasuna adieraztea". Tobar aske dago, eta hura ere barauan da aste honetatik.
Tobarrek eta beste zazpiek duela bi aste Izpuran itxialdia egin zuten, Espainiara bidaltzeko arriskuaren aurka. Eragileei eta herritarrei babesa eskatu zieten. Hainbat hautetsik euren etxeetan aterpetzeko hautua plazaratu eta hala egin zuten.