Herritarrek eginiko alegazio eta erreklamazioak kontuan izanda, TAO zerbitzuan hainbat aldaketa egingo dituzte. Horietako bat ordutegiari dagokiona da. Aste barruan, arratsaldeko 20:00etatik gaueko 21:00etara luzatuko da zerbitzua.
Bestalde, Kruz Gallastegi, Bideberri eta Masterrekan ere gune urdina jarriko da, eta, hori dela eta, bizilagun txartela izango dute Kruz Gallastegi, Zubieta 2-4 eta Masterrekako bizilagunek. Atzo hartu zen erabaki hori ez-ohiko bilkuran.
Udal Gobernuak ordenantzan aldaketak proposatzerako orduan, herritarrekin TAO sistemaren harira egin zituen bileretan jasotako eskaerak izan ditu kontuan.
TAO gunea Kruz Gallastegi, Bideberri eta Masterrekara zabalduko da Bergaran, laster, eta dagoeneko erabilgarri dauden guneetan gaueko 21:00etara luzatuko da ordutegia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak