Gipuzkoako Foru Aldundiak hainbat errepide berrituko ditu ondorengo asteotan. Horietako bat Elosutik Azkoitira arteko tartea (GI-3750). Hain justu ere, Azkoitia eta Aizpurutxo artean dagoen bidegurutzetik Elosu gaineraino, 9,7 kilometro guztira.
Lanok egiteko 3 hilabeteko epea izango da eta Diputazioak 375.000 euroko aurrekontua gorde du horretarako. Enkantera atera ditu lanok.
Zoladura berritu, asfalto berria bota eta, 8 tramutan, bide-bazterrak ere berrituko dituzte, ormigoiarekin. Bideko seinaleak eta urak batzeko arketak ere berriztuko dituzte. Errepide horrek 5,8 metroko zabalera du eta bi noranzko. Bergara eta Azkoitia lotzen dira kamino horren bitartez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.