Urteetan proiektua bertan behera geldituta egon ostean orain udalak Aldundiarekin egindako akordio baten bitartez inguruko lurrak desjabetuko ditu. Aldundiak lur jabeekin akordio batera iritsi beharko da eta horren ostean, lurrak administrazioaren esku daudenean, obrak burutu ahal izango dira.
Udala bitartekari bezala
Hirigintza batzordeko buru den Agurne Barruso alkateak argi utzi du udalak ez duela aurrekontuko partidarik obra honetara bideratuko. Kasu honetan udalak bitartekari lanak egingo ditu eta ibaiaren beste aldean dauden lursail S-5, A-43 eta A-54 guneen jabeek ordaindu beharko dute bidegurutzea egitea. Udalak, prozesua bide onetik doala jakinarazi digun arren ez du obrei hasiera emateko data zehatzik eman, horretarako goiz dela argudiatu ostean.