Ezker Abertzalea Herri Programa osatzeko inkestak egiten hasi da. Herritarrei hainbat gairen gainean galdetuko diete datozen asteetan programa hori osatzeko. Besteak beste, euskara, kirola, zaborra, parte-hartzea, TAO sistema, etxebizitza, auditoriuma.... dira inkestotan lantzen diren gaiak.
Bada, inkesta horiek erantzuteko hiru bide daude:
Batetik, etxeetan banatuko dituzte, eta bete eta gero, kalean jarriko dituzten postontzietan utz daitezke.
Bestetik, http://herriprograma2011.net/bergara helbidean sartu eta hor ere bete daiteke.
Hirugarren aukera da e-postaz egitea, harremanak1@gmail.com helbidera erantzunak bidalita.
Bukatzeko, auzorik auzo ere ibiliko dira haima jarri eta inkestak betetzeko aukera emanez, zapatuan herriko plazan egin zuten bezala.