Aranzadiko txikiak mozorrotuta ospatu dute ikasle eguna

Aranzadi Ikastolaren 40. urteurrena ospatzeko ekintzen barruan, gaur, ikasle eguna ospatu dute. Haur Hezkuntzako txikiak mozorrotuta joan dira eta giro ezinhobeak lagunduta, ikastolako patioan dantzak eta jolasak egin dituzte. Batxilergoko ikasleek, berriz, eguerdian bazkaria eta ondoren kontzertuak izango dituzte eguna borobiltzeko. Arratsaldean guztiek merendola egingo dute. Urtean zehar antolatutako ekintzen barruan, martxoan argazki erakusketa izango da ikusgai Aroztegi aretoan.