Jardun euskara elkarteak Gurasolagun egitasmo berria martxan jarriko du; asmoa da gurasoen artean euskaraz egingo dituzten taldetxoak sortzea, haurrak eskolan dauden bitartean gurasoak batu daitezen euskaraz berba egiteko. Euskaraz egiten dituztenak animatu gura dituzte laguntzaile bezala astean ordubeteko saioetan parte hartzeko (15:00etatik 16:00etara); eta, noski, baita euskara praktikatu nahi dutenak ere. Jardun euskara elkartera dei dezatela interesatuek: 943 76 36 61.
2006an jarri zuen Berriketan egitasmoa martxan Jardun euskara elkarteak Bergarako Udaleko Euskara batzordea, Udal Euskaltegia eta Akulu-AEK euskaltegiarekin elkarlanean.
Berriketan egitasmoak arrakasta handia izan du. Talde horietako batzuetan gurasoak haurrekin elkartu izan dira euskaraz egiteko; oraingoan, asmoa da gurasoak eurak elkartzea euskara praktikatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.