Atzo, Bergaran egin zuten ez-ohiko bilkuran hainbat gai jorratu zituzten: nagusiena eta eztabaidatuena aurrekontu orokorrak. 21.838.433 eurokoa izango da Bergarako Udalaren aurrekontua 2011rako. Mizpirualdera 4.162.128 euro bideratuko dira, Udal Euskaltegira 463.882 eta 395.700 Bergarako Bihargintzara. Beraz, aurrekontu bateratua da 25.096.809 euro.
Aurreko urtearekin alderatuta inbertsioek indarra hartuko dute 2.809.0624 euro bideratuko dituzte horietara; iaz baino %70,3 gehiago. Egingo dituzten inbertsiorik aipagarrienak: Ibaindoko urbanizazioa, Ur kontsortzioko saneamendua eta Auditoriumeko proiektua. Bestalde, hainbat urbanizaziotarako ere bideratuko da dirua, adibidez, herritar askok eskatutako Mayc-eko areka konpontzeko.
Pertsonal gastuak bestalde, iazkoen parekoak dira: 7.075.000 euro. Edozein kasutan puntu horrek zeresan handia eman zuen atzoko saioan. Bestalde, gastu arruntak %2,9 jeitsi egin dira.