Bergarako Musika Eskolak, hirugarren urtez jarraian, musika moderno lehiaketa antolatu du. Azkeneko urteetan gero eta eskaera gehiago jaso dute modalitate berriko instrumentuak ikasteko –gitarra elektrikoa, baxu elektrikoa, konbo...–; hala, gazte jende hori motibatu eta herri ezberdinetako ikasleen arteko harremanak sendotu eta bultzatzeko asmoz antolatutako lehiaketa da. Apirilaren 10ean jokatuko dute lehiaketa.
Parte hartzeko baldintzetako bat da taldeak ez direla profesionalak izan behar; eta, gehienez irakasle batek parte hartu ahal izango du taldean. Hiru abesti aurkeztu beharko ditu talde bakoitzak: eurek sortutakoak edo beste autore batzuenak.
Izena emateko epea 2010eko Urtarrilaren 24tik martxoaren 11ra bitartekoa izango da.
Lehenengo saria 400 eurokoa izango da, eta publikoaren saria, 200 euro.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.