Hori horrela, herritarrei laguntza eskatzen dihardute. Alde batetik, bazkide egiteko aukera dago hilean 7 euroren truke –Arrano tabernan dago horretarako aukera–, eta bestetik, antolatu duten ekitaldietan parte hartuz.
Bertso saioa eta kontzertua
Kanpainaren barruan bi ekitaldi antolatu dituzte irrati horren alde: batetik, urtarrilaren 21ean bertso saioa egongo da, 22:30ean, Udal Pilotalekuan. Parte hartuko dute Jon Maia, Unai Iturriaga, Sustrai Colina, Sebastian Lizaso, Igor Elortza eta Aitor Mendiluze bertsolariek eta gai-jartzaile Josu Goikoetxeak jardungo du.
Sarrerak salgai daude zortzi eurotan Arrano eta Ariznoa tabernetan eta Errotalde kultura etxean; Arrasaten, Irati tabernan; Aretxabaletan, Urbaltz tabernan; Eskoriatzan, Inkernu tabernan) Oñatin, Arrano tabernan; Antzuolan, Larrea tabernan; eta Elgetan, Haizea tabernan.
Horrez guztiaz gain, urtarrilaren 29an kontzertua egongo da gaztetxean Xarma, Dirty Brothers eta Never Surrender taldeekin.
