Gaur bozkatu dute Bergarako Udaleko langileek euren ordezkari sindikalak aukeratzeko. Lau urtean behin egiten dira hauteskunde sindikalak enpresa guztietan eta, orain arte bezala, LABek atera du gehiengoa: zortzi ordezkari. ELAk hiru atera ditu, eta ESK-k, beste hiru.
Bozketa 12:00etatik 15:00etara izan da, udaletxeko osoko bilkuren aretoan. Langile mota bakoitzak bere hautestontzia izan du, eta hauek izan dira talde bakoitzeko emaitzak:
Funtzionarioak: 3 ordezkari LABek eta 2 ELAk.
Teknikari eta administratiboak: 2 ordezkari LABek eta bat ESK-k.
Espezializazio bako langileak: 3 LABek, 2 ESK-k eta bat ELAk.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.