Udalak Gabonetan gaztetxoendako antolatu dituen ikastaroak atzo amaitu ziren dantza eta koreografia tailerrarekin. Atzokoan, aurreko ikastaroetan moduan, neskak izan ziren nagusi Munibe plazan. Denetariko ikastaroak egin dituzte, eta Amaia Etxebarria begiraleak jakinarazi duenez, automakillaje tailerra izan da arrakasta handiena izan duena. Neskek eurek ere hala ziurtatu digute. Ez da oso parte-hartze altua izan, baina joan direnak oso gustura aritu dira. Atzoko tailerraren gainean parte hartzaileetako batek honakoa esan digu: "Entretinagarria izan da baina, aldi berean, nahiko zaila. Ezagutzen ez nituen dantzak ziren eta irakaslea azkarregi joan da une askotan".
Amaia Etxebarria begiraleak orokorrean balorazio positiboa egin du: "Nik uste dut datorren urtean ere egingo direla ikastaroak eta aurten egin den moduan, gaztetxoen eskaeren arabera antolatuko dira tailerrak".
Gaztetxoendako tailerren gaineko informazio gehiago, argazkiak eta parte hartzaileen iritziak Asteleheneko Goiena paperean izango duzue irakurtzeko aukera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.