Gabonetako azken txanpan sartu dira Debagoieneko okindegi eta gozotegiak ere. Azaro erdialdean turroiekin hasi eta egunotan errege-erroskoak egin eta egin dabiltza gaurko eta biharko eskaera handiari aurre egiteko.
Barruko sorpresa
Errege-erroskoen bereizgarri nagusia da barruan eramaten duen baba, figura edo dena delako sorpresa eta jende ugarik jarraitzen du horrekin lotutako tradizioa.
Askok oraindik aurtengo erroskoa nork ordainduko duen seguru-seguru jakin ez arren, familia gehientsuenetan behintzat dastatuko dute aurtengo errege-erroskoaren zaporea.