Euskal Herriko Mus txapelketa antolatu dute hirugarrenez. Bergarako kanporaketa hilaren 18an, zapatua jokatuko da, 16:30ean, Artatse elkartean. Izenematea 16:00etan izango da eta bikoteko 20 euro ordaindu beharko dira. Sariei dagokienez, lehenengoek, batutakoaren %40 jasoko dute; bigarren sailkatuek, batutakoaren %30; hirugarrenek, bi txuleta eta ardo botila; eta laugarren sailkatuendako ere izango da sorpresaren bat.
Mus txapelketa hori antolatzen dute Iparra-Hegoa eta Orreaga elkarteek, Bai Euskal Herriari mugimenduak eta Euskal Herriko Mus Federazioak.