Madariondoak jarri dituzte albizia akazien ordez

17 zuhaitz kendu eta berriak landatzen dihardute egunotan Bergarako Ibargarai kalean. Gaixo zeuden albiziak kendu eta loredun madariondoak landatzen ibili dira, inguruan dauden beste arbola batzuen antzekoak. Bergarako Udaleko lorezainak ibili dira zeregin horretan.

Adierazi digutenez, orain dela 20 bat urte landatu zituzten albizia horiek, inguruko etxeak egin eta urbanizatu zutenean. Zuhaitz batzuk gaixo zeuden eta etxeetarako traba bihurtuta zeuden. Horregatik kendu dituzte. Albizia akazia mota bat da, ekialdeko herrialdeetan duena jatorria. Setaren arbola, Pertsiako akazia edo Konstantinoplako arbola bezala ere bada ezaguna. Geure inguruan ez da oso ohikoa.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.