Pol-Polekoen urteko azken mendi irteera

Eguraldiak lagundu ez bazien ere, Pol-Poleko lagunek Arabako mendietara  egin zuten domekan irteera, urteko azkena. Dagoeneko hasi dira, baina datorren denboraldiko egutegia prestatzen.

Arabako Roitegi herrira –Opakua mendatetik gertu– berrogehi lagunetik gora joan ziren domekan, handik hasita hiru ordu eta erdiko martxa egitera; tartean, Santa Elena tontorra pasatu zuten Onraita herrira heldu aurretik. Behin mendi zeharkaldia bukatuta, Agurain aldera jo zuten, Sarayola jatetxean urteroko bazkaria egitera. Horrenbestez, aurtengoa bukatu dute, eta dagoeneko hasi dira Pol-Poleko lagunak datorren urteari begira lanean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.