Antzerkiari dagokionez, bi saio izango dira, biak ala biak egubakoitzean. Batetik, Le Petit Theatre de pain taldeak Errautsak emanaldia egingo du, Zabalotegi aretoan, 22:30ean. Sarrera da bost euro. Eta bestetik, Piano bat bertsotan lana antzeztuko dute Ainhoa Ansak, Jagoba Astiazaranek eta Beñat Gaztelumendik, Osintxuko Txuringo tabernan. Sarrera doan izango da.
Zine-kluba eta beste
Zinemari dagokionez, berriz, bihar, eguaztena, zine-kluba izango da, Zabalotegin. Fatih Akin-en Soul Kitchen komediaren emanaldia izango da, 20:30ean. Sarrera da bi euro.
Domekan, berriz, umeendako Vicky Bikingoa filma emango dute, euskaraz (17:00). 85 minutu irauten duen abenturazko filma da. Sarrera, bi euro. Eta 19:30ean, berriz, Robin Hood filma emango dute. Kasu horretan sarrera da hiru euro.
Pintura erakusketa
Bukatzeko, erakusketa ere zabalik dute Zabalotegi aretoan, azaroaren 21era arte. Juanjo Altuna Akizuren Ibilbidea izeneko pintura erakusketa, hain justu. Martitzenetik egubakoitzera 18:00etatik 20:30era ikusi ahal da, zapatuan, 12:00etatik 14:00etara eta 18:00etatik 20:30era; eta domeketan, 12:00etatik 14:00etara.