Honako hauek dira, adibidez, bergararrek erantzun beharreko galderak: "Zenbat biztanle izan nahi dugu eta izango ditu Bergarak 2020an? Nola erantzungo diogu krisi energetikoari eta krisi ekologikoari? Zertan lan egingo dugu bergararrok? Zein zerbitzu izango ditugu herrian eta non egongo dira?"
Galdera horiei erantzun aurretik, baina, gaur egungo egoeraren azterketa egingo dute.
Bi lantalde
Bada hori guztia lantzeko, bi lantalde sortuko dituzte: arloak eta eremuak lantzeko, hurrenez hurren. Hain justu, arloak lantzeko bost lantalde sortuko dituzte eta arlo bakoitzean "gaiaren inguruko eragileak elkartuko dira".
Eremuak lantzeko, berriz, hiru eremu bereiziko dituzte: landa eremua, herrigunea eta herrigune inguruko auzoen eremua.
Urtarriletik martxora
Hori horrela, herritarrek zelako Bergara nahi duten zehaztuko dute urtarriletik martxora bitartean egingo dituzten lau batzarretan.
Xehetasun guztiak eguaztenean helaraziko dituzte, prentsaurrekoa egingo dute-eta Udal ordezkariek hori azaltzeko.