Iñaki Mendibil: "Pol-Pol mendi elkarteak lokala behar du, jendearen eskaerei erantzuteko leku bat"

Bergarako Pol-Pol mendi taldeak 68 urte bete ditu, eta aspaldiko urteetan bazkide gehien batzen dituen kirol taldea da, 700 bazkiderekin. Atzo, eguena, ezohiko batzarra egin zuten uztail amaieratik lokal barik daudelako. Eta batzarra egin baino apur bat lehenago jaso zuten Udalaren erantzuna, argazkilaritza taldekoekin lokala partekatzea.

Horrekin batera, batzarrean egungo zuzendari taldeak garbi esan zuen lokalaren arazoarekin buruhauste bat baino gehiago izan dutela, eta ez dutela inongo laguntzarik jaso, ezta bazkideena ere. Hala, arazoari modu hobean heltzeko komisio moduko bat sortu dute, bost lagunez osatutakoa, eta talde hori buru-belarri jarriko da arazoari irtenbidea bilatzeko lanean –datorren astean dute lehenengo batzarra. Horrela, egungo zuzendaritza taldeak elkarteak dituen gainontzeko lanekin jarraitu ahal izango du.

Hala, Asteleheneko Goienkaria-k Pol-Poleko presidenteari, Iñaki Mendibili egindako elkarrizketa argitaratuko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.