Ziklistak pozik, mendi bizikleta martxan egindako aldaketekin

Iker Barandiaran 2010ko urr. 3a, 23:05
Arrakastatsua izan da gaur, domeka, Bergaran Lokatzak antolatu duen mendi bizikleta martxa: aurreko urtean baino jende gehiagok parte hartu zuten; aldatutako ibilbidea parte-hartzaile gehienen gustukoa izan da; eta eguraldi ederra izan dute.

Aurten 175 ziklistek esku hartu dute, iaz baino 18 gehiagok. Eta ibilbideak aldaketa nabaria izan du: aurten Asentzio eta Elgetako inguruetatik barrena ibili dira, aurreko urtearekin alderatuta, bigunagoa eta laburragoa den ibilbidean; baina aldi berean, ederra, ziklista askoren esanetan.

Jardunaldiko arazo bakarrak izan dira ziklista batek sorbaldan min hartu duela; eta proba hasi baino lehenago, pinu handi bat aurkitu dutela bide erdi-erdian. Antolatzaileek esan digute haizeak botako zuela, baina batek baino gehiagok uste du norbaitek nahita moztu duela. Kontuak kontu, guztia primeran joan da Bergarako bizikleta martxan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak