Zetabiko arkitektoak finalista irisgarritasun lehiaketa baten, Boluko igogailuekin

Bergarako Zetabi Arkitektura Bulegoa finalista izan da Zaragozako Fundación DFAk –mugikortasun urria dutenen fundazioa– urtero antolatzen duen Accesibilidad Universal sariketan. Hirigintza arloan izan da, finalista, Boluko igogailuen proiektuarekin.

Izan ere arkitektura bulego horrek egin zuen Boluko auzotarren irisgarritauna bermatzeko proiektua, Udalaren eskariz. Aitor Zubiak, Xabi Zabalak Uzuri Larrañagak, Larraitz Valenciak eta Jon Crespok osatzen dute Zetabiko lan talde gaztea eta oso pozik daude Zaragozako aitortzearekin, besteak beste, "era honetako proiektuak erabiltzen dituen elkarte batek emandakoa delako".
Besteak beste, Irizar jauregia zaharberritzeko proiektua eta haurreskolarena egin dute Zetabikoek. San Pedro egokitzeko proiektua ere eurak egiten ari dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.