Zabaletamendi auzoan San Bartolome eguna ospatu dute

Bergaran, Angiozarko Zabaletamendi auzoan San Bartolome eguna ospatu dute gaur. Eguraldi tristea tokatu zaie aurtengoan, baina, horrek ez du giroa goibeldu. Bergara aldetik, Angiozartik eta Elgetatik jende dezente hurbildu da Zabaletamendira.

Urtero moduan meza egin dute ospakizunei hasiera emateko, eta ondoren hamaiketako ederra: txorizoa, patata tortilla eta sagardo apur bat ere bai. Arratsalderako bolo txapelketa antolatu dute, baina, bat baino gehiago eguerdian bertan hasi da entrenatzen. Gauen parrandarako garaia izango da eta auzotar batzuk esan digute, gainera, bihar goizaldera arte dantzan ibiltzeko asmoa daukatela. Kupela taldearekin erromeria izango dute, beraz, girorik ez da faltako gaur gauen Angiozarko Zabaletamendi auzoan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.