Mendekoste jaiak gainean direla-eta, Txosna batzordeak herrian giroa berotu dadin gura du; iazko jaietan aurkeztu zuten Xaxau birusa, bueltan da berriro, eta hura izango da herritarrak festetarako gertatzeko ardura izango duena. Egubakoitzean egin zutena, Xaxau birusaren spota izango denaren grabazioa izan zen. Spot hori, tabernetan eskaintzen hasiko dira jaiak hasi baino pare bat aste lehenago eta hori bakarrik ez, jaietako txosna egitaraua ere bideoarekin aurkeztuko dute. Spota grabatzeko deialdiari erantzun zioten herritarrek, nahiz eta helduen parte hartzea falta izan zen. Ea ba herritarrak behar beste xaxatzen diren!
Ez ziren jaiak, egubakoitzean Bergarako Barrenkale kaleko giroak hori islatzen bazuen ere. Hain justu, Txosna batzordeak deituta, 'Xaxau' birus xaxatia eta 40 bat herritarrek jaiei begira, spota grabatu zuten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak