Euskarazko irakurketa bultzatzea helburu du "irakurri, gozatu eta oparitu" egitasmoak. Orain, uda eta opor garaia denez askorentzat, egitasmo hau uztailaren 21a arte luzatzea erabaki dute.
Hala, aukera bikaina da udarako liburua aukeratu eta prezio berezian lortzeko.
Egin beharrekoa oso sinplea da. Udal liburutegira joan, apal berezi baten dauden 100 liburutatik bat maileguan hartu eta irakurri ondoren 4 galdera orokor dituen fitxa bete. Ondoren, liburua erosi eta oparitzeko %25eko deskontu txartela jasoko duzu. Gainera Jardun Euskara Elkarteko kide bazara beste %25eko deskontua egingo dizute Elkar Megadendan, beraz erdi prezioan erosi ahalko duzu liburua.