Antolatzaileek espero dute joan den matxoaren 7an kalera atera zirenak baino denda gehiago animatzea uztailean ospatuko den bigarren ekitaldi horretan: "Martxoaren 7ko hartan halako azoka bat egiten genuen lehen aldia izan zen eta, gainera, eguraldiak ere ez zigun askorik lagundu. Gainera, bigarren ekitaldi honetan, giroa animatzeko, egubakoitz arratsaldean zehar Oihulari Klown taldekoak dendarik denda ibiliko dira kale antzezpena egiten eta erosleak erostera animatuz... Horretaz gain, dendetako produktuetan beherapenak egongo dira".
Urrian, udal pilotalekuan
Bedelkarkoek, bestalde, adierazi digute datorren urrian Udal Pilotalekuan egingo duten azokaren prestaketa lanak ere aurrera doazela poliki-poliki.
Aurten, gainera, berrikuntza moduan, zapatuan ez ezik domeka goizean ere egongo da zabalik azoka. Antolatzaileen esanetan, joan den urtean jende asko ibili zen eta dendariak gustura gelditu ziren herritarrek emandako erantzunarekin: "Horregatik, egun erdi gehiago luzatuko dugu pilotalekuko eskaintza".