Urteagan 219 etxebizitza egiteko hitzarmena sinatu dute

Bergarako Udalak eta Madura Etxegintzak enpresak Urteaga kalean etxebizitzak eraikitzeko hitzarmena sinatu dute. 219 etxebizitza eraikiko dituzte bertan; 104 babes ofizialekoak izango dira.

Otsaila hasieran hartu zuen Bergarako Udalak Urteaga kalean, lehen Movillas enpresa zegoen lekuan, urbanizazio lanak egin eta etxebizitzak eraikitzeko erabakia. Udalak eta Madura Etxegintzak sinatu berri duten hitzarmenarekin, lanak berehalakoan hasiko dira.

Ingurumenarendako onurak

Bergarako alkateak adierazi du pozik dagoela lortutako akordioarekin, "Bergaran nahiko ahaztuta zegoen gune bat berreskuratuko baita." Ingurumenari ere, onurak ekarriko dizkiotela adierazi dute proiektuaren arduradunek, izan ere, orain artean azpitik joan den erreka garbitu eta azaleratu egingo dute.

Udalak %10a

219 etxebizitza eraikiko dira denera: Madura enpresak, horietatik 179 egingo ditu, 115 etxe libre eta 64 babes ofizialeko. Lege berriaren arabera, udalak hirigintza aprobetxamenduaren %10a bere esku izateko aukera du, eta bere esku egongo da geratzen diren 40 etxeak eraikitzea.

Eperik ez

Etxeak bukatuta noiz egongo diren galdetuta, oraindik ez dago eperik, baina lanak berehalakoan hasiko dituztela esan digute arduradunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.