10 tantoko aldea
Partiduko lehenengo minutuetan indarrak nahiko parekatuta egon ziren. Baina, behin Urtasun eta Lizasok 10 puntuko aldea hartu zutenean samur irabazi zuten lehia. Aurrean, bai Urtasun eta baita Etxeberria ere oso ondo ibili ziren.
Jende gutxi
Martin Etxeberria Bergarako kirol zinegotziaren ustez, finalerdietako ikuskizuna finalekoa baino politagoa izan zen. Finaleko giroaz galdetuta, dio orokorrean jende gutxi joan dela erremonte partiduak ikustera. "Ez dakit zergatik den, baina erremontea ikustera jende gutxi etortzen da, eta esan behar da oso ikuskizun polita dela", dio Etxeberriak.
Datorren urtekoa, zalantzan
Hasieran zapatuetan jarri zituzten partiduak baina jende gutxi joaten zenez egubakoitzera aldatu zituzten. Erabakia "ona" izan zela uste du Etxeberriak.
Datorren urtean txapelketa egingo ote den galdetuta, Etxeberriak zail ikusten duela dio.